Bainvegni en il Grischun – il chantun da velos!

Nus raquintain a tai tschintg istorgias da success e vulain udir era la tia.

En Surselva è Corina, 17, da viadi cun il velo ed il traffic public 〉

Laurin, 78, stima la survesaivladad a Tusaun 〉

A Lai vegn famiglia Affolter a moda segira dad in lieu a l'auter  〉

En Val Müstair fa Peider, 33, tut ses transports cun il cargovelo   〉

En la Val dal Rain va Margot, 52, mintga di cun velo a lavurar 〉

Nus envidain tai da prender il velo e vegnir cun nus!

Igl è uras ch'il velo vegn considerà en la metropola natirala Grischun sco ina pitga centrala dal sistem da traffic, che nus resguardain adina el en la planisaziun da l'infrastructura e che ses diever sco med da traffic vegn promovì activamain. Nus partin la visiun d'ina populaziun che va cun velo tras vitgs, valladas e regiuns perifericas! Il velo è il med da traffic il pli ecologic e saun insumma. Gia uffants al charezzan e nus tuts vulain ans mover a moda favuraivla al clima, sanadaivla e segira.

Quai dovri

  • Cun la Lescha federala davart las vias ciclablas èn il chantun Grischun e cun quai era las vischnancas vegnidas obligadas da construir entaifer ils proxims 20 onns ina rait da vias da velos segira ed attractiva senza interrupziun. Co pudess uschia ina rait vesair or en il Grischun? Las respostas a questa dumonda èn impurtantas per autoritads, interpresas, il turissem e la populaziun. Nus faschain vinavant!

  • La Regenza dal chantun Grischun ha percurschì il grond potenzial dal velo ed ha perquai instradà differentas mesiras. Ella ha approvà il 2019 il Plan secturial Velo e plinavant integrà in punct d'accent da svilup en il program da la Regenza 2021-2024. Quest punct sa numna «Il spustament dal traffic motorisà individual sin il traffic public ed il traffic plaun vegn promovì». Quest spustament po dentant mo gartegiar, sch'i stat a disposiziun in'infrastructura da velos nuninterrutta e segira.

  • Per ch'il velo daventia adattà sco med da transport equivalent en il mintgadi grischun, dovri dapli attenziun da las scolas, da las vischnancas e da las patrunas pli grondas e dals patruns pli gronds. Nus appellain a la populaziun, a planisad:ras, a partiziuns da resursas umanas, a persunas d'instrucziun ed a policist:as da traffic d'integrar il velo en lur program da promoziun, da tematisar regularmain il velo e d'ans contactar per support ed ideas.